Նինա Վինոգրադովա

Նինա Վինոգրադովա;
Ծնվել է	դեկտեմբերի 6, 1944 (79 տարեկան)
Կրթություն	Մոսկվայի Գերասիմովի անվան կինեմատոգրաֆիայի ինստիտուտ

Նինա Վինոգրադովա (ռուս.՝ Виноградова, Нина Николаевна, դեկտեմբերի 6, 1944(1944-12-06)), խորհրդային և ռուս նկարիչ, նկարիչ բեմադրող և ուսուցիչ, Մոսկվայի Գերասիմովի անվան կինեմատոգրաֆիայի համառուսական պետական ինստիտուտի անիմացիայի և մուլտիմեդիայի ֆակուլտետի անիմացիոն ֆիլմերի ռեժիսուրայի ամբիոնի դոցենտ։ «Նիկա» կինեմատոգրաֆիական արվեստների ակադեմիայի անդամ է։

Կենսագրություն

1960-65 թվականներին Նինա Վինոգրադովան սովորել է Յարոսլավի գեղարվեստի ուսումնարանում։ 1966-1971 թվականներին սովորել է Կինեմատոգրաֆիայի համառուսական պետական ինստիտուտի գեղարվեստի ֆակուլտետում (Իվան Իվանով-Վանոյի արվեստանոցը)։ 1971-1988 թվականներին աշխատել է «Սոյուզմուլտֆիլմ» կինոստուդիայում՝ որպես հիմնականում տիկնիկային ֆիլմերի բեմադրող նկարիչ։ Այնուհետև աշխատել է «Christmas Films» (1993–96), «Անիմաֆիլմ» (1997), «Մարդ և ժամանակ» (1999–2000) ստուդիաներում, իսկ 2001 թվականից՝ «Անիմոս» կինոստուդիայում։ 1980-ական թվականների սկզբին ձևավորել է Սերգեյ Յուտկևիչի «Շվիահարն ու անծանոթուհին» ներկայացումը Մոսկվայի Բորիս Պոկրովսկու անվան կամերային օպերային թատրոնում, որպես նկարիչ աշխատել է Ալմա-Աթայում (տիկնիկային թատրոնում և «Ղազախֆիլմ» ստուդիայում), համագործակցել է Էկրան ստեղծագործական միության հետ։ Մ. Կուրչևսկու հետ համատեղ անիմացիոն մի շարք փառատոների դիզայներ-ձևավորող է։ Դրանցից են Անիմացիոն ֆիլմերի ռուսական բաց փառատոնը և «Կրոկ» անիմացիոն ֆիլմերի միջազգային փառատոնը։ Նաև աշխատում է նկարչության, գրաֆիկայի, բատիկայի ոլորտներում, խմբակային և անհատական ցուցահանդեսների մասնակից է։ Համագործակցել է ռեժիսորներ Իդա Գարանինայի, Վադիմ Կուրչևսկու, Եկատերինա Միխայլովայի և այլոց հետ։

Ֆիլմագրություն

Բեմադրող նկարիչ

1971 թվական՝ Հանձնեք ապակե տարաները
1972 թվական՝ Երեսուներորդ դարում
1973 թվական՝ Ո՞վ լինել
1975 թվական՝ Մայակովսկին ծիծաղում է կամ Կլոպ-75
1975 թվական՝ Խոտիկի արկածները
1977 թվական՝ Կռունկի փետուրները
1978 թվական՝ Թշվառ Լիզա
1979 թվական՝ Պեր Գյունտ
1979 թվական՝ Ընկերների քառյակ. նեղվածություն
1980 թվական՝ Ընկերների քառյակ. փչացած եղանակ
1980 թվական՝ Ընկերների քառյակ. մի առավոտ
1981 թվական՝ Ընկերների քառյակ. երազ
1981 թվական՝ Ցտեսություն, ձորակ
1982 թվական՝ Առո՛ղջ եղիր
1982 թվական՝ Գեղեցկուհի Միրջանը
1983 թվական՝ Մամոնտիկի մասին
1988 թվական՝ Կատուն, որ զբոսնում էր ինքն իր համար
1994 թվական՝ Սևիլյան սափրիչը
1997 թվական՝ Ամանորի նախօրեի գիշերը
2000 թվական՝ Երեք քույրերը, որոնք հայտնվել էին սարում
2002 թվական՝ Մարինա Ցվետաևա։ Կրքեր Մարինայի հանդեպ
2003 թվական՝ Մոտակայքի հյուրանոցը
2005 թվական՝ Արքան և դերձակը
2005 թվական՝ Կապիտանի աղջիկը
2006 թվական՝ Փոքրիկ Խավրոշեչկան

Նկարիչ

1974 թվական՝ Դանիացի Վանյան
1996 թվական՝ Աբրահամ

Վավերագրական կինո

Նինա Վինոգրադովան նկարահանվել է փաստավավերագրական սերիալներում։

2004 թվական՝ «Սոյուզմուլտֆիլմ` հեքիաթներ և իրականություն»
2005 թվական՝ «Տիկնիկները մարդկանց աշխարհում»

Պարգևներ

2001` Անիմացիոն կինոյի ռուսական VI բաց փառատոն Տարուսում. Լավագույն մանկական ֆիլմ անվանակարգում մրցանակի են արժանացել Երեք քույրերը, որոնք հայտնվել էին սարում մուլտֆիլմի հեղինակները^[1]
2012` Անիմացիոն կինոյի բաց փառատոն Սուզդալում. կազմկոմիտեի մրցանակին են արժանացել բեմադրող նկարիչներ Մարինա Կուրչևսկայան և Նինա Վինոգրադովան^[2]
2012` ՌԴ Մշակույթի նախարարի երախտագիտություն` ռուսական անիմացիայի զարգացման գործում ունեցած մեծ ավանդի, բազմամյա բեղմնավոր աշխատանքի և մուլտիպլիկացիոն կինոյի 100-ամյակի առթիվ^[3]
2014` ՌԴ նախագահի պատվոգիր` հայրենական մշակույթի զարգացման և բազմամյա բեղմնավոր գործունեության համար^[4]^[5]

Ծանոթագրություններ

Գրականություն

Сергей Капков Энциклопедия отечественной мультипликации. — М.: Алгоритм, 2006. — С. 156-157. — 816 с. — 3 000 экз. — ISBN 5-9265-0319-4
«Режиссеры и художники советского мультипликационного кино» - М., ВО «Союзинформкино», 1984.
«Сотворение фильма, или Несколько интервью по служебным вопросам» - М., ВТПО «Киноцентр», 1990.

Արտաքին հղումներ

[1] Итоги ОРФАК Таруса-2001.

[2] На открытии фестиваля в Суздале озвучена «Золотая сотня российской анимации». 1.03.2012

[3] Приказ Министерства культуры Российской Федерации от 16 января 2012 года

[4] Нине Виноградовой вручена президентская грамота.12.06.2015

[5] Распоряжение Президента Российской Федерации от 25 сентября 2014 года № 309-рп «О поощрении»

[1]

[2]

[3]

[4]

[5]